Работник од Скопје загина вчера при поправање на лифт во катната гаража „Солунски конгрес“, на кејот на Вардар.

Според информациите на МВР, вчера во 17 и 50 часот при поправка на лифт за автомобили во катната гаража „Солунски конгрес“ во Центар, кој бил заглавен на 8. кат, М.В.(57) во Скопје се лизнал и паднал.

Работникот бил пренесен на Клиниката за анестезија, реанимација и интензивно лекување - КАРИЛ со тешки телесни повреди. Неколку часа по несреќата, работникот починал.

По наредба на јавен обвинител, телото на починатиот е дадено за обдукција.